იურიდიული საკითხთა კომიტეტი მეორე მოსმენით განიხილავს დეოლიგარქიზაციის კანონპროექტს. აღნიშნულ საკითხზე კომენტარს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე:
,,პრინციპული შეუთავსებლობა გვაქვს ჩვენ, პრინციპული შენიშვნები გვაქვს ამ ყველაფერზე. შესაბამისად, განხილვაში ამ ფორმით მონაწილეობას აზრი არ აქვს.
არ შევქმნათ იმიტაცია და მოლოდინი, რომ ,, ქართულმა ოცნებამ” მოიტანა კანონი და მისი გაჯანსაღება შეიძლება. ამ კანონის გაჯანსაღება არ შეიძლება!
ხალხნო, ,,ქართულ ოცნებას” საქართველო არ მიჰყავს ევროპისკენ. უფრო მეტიც ხელს უშლის საქართველოს ევროპაში ინტეგრაციას და ახდენს ტორპედირებას ევროპული გზის“, – განაცხადა პაატა მანჯგალაძემ.
ინფორმაციისთვის: ოპოზიციური სპექტრი დეოლიგარქიზაციის კანონპროექტის განხილვაზე არ იმყოფებოდა. მმართველი პარტია მიიჩნევს, რომ ბიძინა ივანიშვილი ვერ მოიხსენიება ოლიგარქად, რასაც ოპოზიციის ნაწილი არ ეთანხმება.
ავტორი
ნინი ხიჯაკაძე
