“მთავარი კრიტერიუმი “ქართული ოცნებისთვის” არის ის, რომ სახალხო დამცველი არ გახდეს ადამიანი, რომელსაც აქვს საკუთარი აზრი და რომელიც იტყვის – თეთრზე შავია” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე პოლიტიკურ შეფასებას აკეთებს სახალხო დამცველის არჩევის საკითხთან დაკავშირებით. ოპოზიციონერი ლიდერის განცხადებით, მმართველი პარტიის მიზანი არის, რომ ომბუდსმენიც ,,დაუქვემდებაროს პარტიულ დიქტატს”:

,,მხოლოდ სახალხო დამცველი დარჩა, რომელიც მის პარტიულ დიქტატს და ოლიგარქიას არ ექვემდებარება.

ამიტომ ცდილობს დემოკრატიის ეს შუქურაც, სახალხო დამცველის სახით, ჩააქროს და დაუქვემდებაროს პარტიულ დიქტატს – აი ეს პროცესია.

,,ქართულ ოცნებას” გულწრფელად რომ ჰქონდეს ევროპული რეკომენდაციის შესრულების, დამოუკიდებელი სახალხო დამცველის არჩევის სურვილი, იმ წესებს არ შეცვლიდა, რაზეც შეთანხმებული ვიყავით. თვითონ დაადასტურეს, რომ ფარსია მათთვის ეს პროცესი.

მთავარი კრიტერიუმი ,,ქართული ოცნებისთვის” არის ის, რომ სახალხო დამცველი არ გახდეს ადამიანი, რომელსაც აქვს საკუთარი აზრი და რომელიც იტყვის – თეთრზე შავია“, – განაცხადა პაატა მანჯგალაძემ.

ავტორი
ნინი ხიჯაკაძე