დღეს სააპაელაციო სასამართლოში ,,მთავარი არხის” გენერალური დირექტორის ნიკა გვარამიას საბოლოო განაჩენი გამოაცხადეს. პროცესის მიმდინარეობის პარალელურად ჟურნალისტებთან კომენტარი გააკეთა ,,სტრატეგია აღმაშენებლის” თავმჯდომარემ გიორგი ვაშაძე:
,,საქართველოს აქვს ორი არჩევანი: ან რუსეთისკენ, ან ევროპისკენ.
ჩვენი გზა არის ევროპისკენ. შესაბამისად, ევროპისკენ მიმავალ გზაზე ჩვენ გვაქვს ბევრი განსაცდელი.
ყველა განსაცდელს ძალიან სწრაფად გავივლით თუ ვიქნებით ერთიანები. ჩვენ გვჭირდება საერთო ევროპული ერთობა ევროპულ ფლანგზე, რის შემდეგაც კანდიდატის სტატუსსაც მივიღებთ, გვარამიასაც გავათავისუფლებთ, როგორც პოლიტპატიმარს და სააკაშვილიც განთავისუფლდება, როგორც პოლიტიკური პატიმარი.
ეს არის ერთადერთი გზა! ერთიანობის გარდა სხვა ალტერნატივა არ არსებობს.
გვინდა გვარამია იყოს თავისუფალი? – ერთიანობაა საჭირო!
გვინდა სააკაშვილი იყოს თავისუფალი? – ერთიანობაა საჭირო!
ევროკავშირის კანდიდატი ქვეყნის სტატუსი გვინდა? – ერთიანობაა საჭირო!
დავდგებით ერთად? – გავიმარჯვებთ!”, – განაცხადა გიორგი ვაშაძემ.
ავტორი
ნინი ხიჯაკაძე
