ანალიტიკოსი ზაალ ანჯაფარიძე ფეისბუქის პირად გვერდზე გამოქვეყნებულ პოსტში აცხადებს, რომ მისი დაკვირვებით – ნაციონალური მოძრაობის, თავის დროზე “ქართული ოცნების” კოალიციაში მყოფი პარტიებისა და დასავლელი პარტნიორების პოზიციები არ შეესაბამება საზოგადოების უმრავლესობის განწყობებს:
“ნაცმოძრაობის, მათგან აღმოცენებული პარტიების და მათი მხარდამჭერების ფილოსოფია: “წარსულზე ვერ შევთანხმდებით – ვიყუროთ მომავლისკენ”.
მათი აზრით, ეს ნიშნავს, რომ სწორად იქცეოდნენ წარსულში, შესაბამისად არ აქვთ არც დანაშაულის, არც სინანულის, არც ჩადენილზე პასუხისმგებლობის განცდა, ითხოვენ ინდულგენციას და ყველაფრის ჩამოწერა-ჩამორეცხვას.
“ქ/ოცნების” 2012 წლის კოალიციაშიც იყვნენ პარტიები და პერსონები, ვინც ასევე ფიქრობდნენ, ამას ახმოვანებდნენ კიდეც და დღესაც ამ პოზიციაზე არიან. სხვათა შორის, იგივეს გვირჩევდნენ და გვირჩევენ დასავლელი პარტნიორებიც.
თუმცა, საზოგადოების უმრავლესობის განწყობა, ჩემი დაკვირვებით, საპირისპიროა და ეს იწვევს ჩვენს სოციუმში იმ “ცივ ომს,” რომელიც როგორც გუშინ აღვნიშნე, ფეისბუქს და ტელესტუდიებს არც სცილდება. ჯერჯერობით!” – აცხადებს ზაალ ანჯაფარიძე.
