“ტელემედია რომ თავის ფუნქციას კეთილსინდისიერად ასრულებდეს, ასეთი დემორალიზებული არ იქნებოდა საპროტესტო ელექტორატი” – თამარ ჩერგოლეიშვილი

ტაბულა მედიას დამფუძნებელი, ამომრჩეველთა განათლების საზოგადოების დირექტორი თამარ ჩერგოლეიშვილი ქვეყანაში არსებულ ტელემედია გარემოს შეფასებას ახდენს:

“მე შემიძლია დარწმუნებით გითხრათ, რომ ტელემედია “დარასკლადებული” რომ არ იყოს და უბრალოდ ადგეს და გამოყვეს ჩვენს თემებს – ზუსტად ისე როგორც თემა იმსახურებს, არც მეტად და არც ნაკლებად, ოპოზიცია ასეთ ნანგრევებში არ იქნებოდა, ძალის ვაკუუმს ჩვენ შევავსებდით და პროცესი შინაარსს შეიძენდა – სხვა პარტიებსაც უშველიდა.

მართლა.

ანუ ტელემედია რომ თავის ფუნქციას კეთილსინდისიერად ასრულებდეს, ასეთი დემორალიზებული არ იქნებოდა საპროტესტო ელექტორატი.

პოლარიზაციაც ნაკლები იქნებოდა.

ისეთ თემებზე იქნებოდა ფოკუსი, რომელიც მიშა-ბიძინას სცილდება და ადამიანებს პოლიტიკური გემოვნების მიუხედავად აერთიანებს,” – წერს ფეისბუქის საკუთარ გვერდზე თამარ ჩერგოლეიშვილი.