“სტრატეგია აღმაშენებლის” თავმჯდომარე, გიორგი ვაშაძე ბრიუსელში შეხვედრებს გამართავს. ოპოზიციონერი ლიდერი ევროკომისიის რეკომენდაციის საკითხებთან დაკავშირებით უმაღლესი რანგის პირებთან, რომლებიც საქართველოს საკითხებზე მუშაობენ, შეხვედრებს გამართავს.
“უმაღლეს დონეზე გავმართავთ შეხვედრებს. ამჯერად ვხვდებით ევროკავშირის აღმასრულებელი ორგანოების წარმომადგენლებს, იმ ადმიანებს, ვინც ანგარიშებს ამზადებს საქართველოზე. სწორედ იმ ადამიანებს, ვინც გულშემატკივრობს საქართველოს, იმ დეპარტამენტების და უწყებების ხელმძღვანელებს, ვინც სისტემატიურად აკვირდება საქართველოს.
ჩვენი ამოცანაა, რომ ჩავიტანოთ სიმართლე.
პირველი – სიმართლე არის, რომ საქართველოს ეკუთვნის, ევროკავშირის კანდიდატი ქვეყნის სტატუსი, მეორე – ჩვენ უნდა გავაერთიანოთ ძალისხმევა ჩვენს ევროპელ პარტნიორებთან ერთად, რომ ვაიძულოთ ,,ქართული ოცნება” არ გადაუხვიოს იმ ევროპული ინტეგრაციის გზას, რომელიც არის საქართველოს მოსახლეობის აბსოლუტური უმრავლესობის მოთხოვნა.
ზურა ჯაფარიძესთან ერთად გავმართავ ამ უმაღლესი დონის შეხვედრებს და დანარჩენ სიახლებს, უკვე ბრიუსელიდან გაცნობებთ,” – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
