საქართველოს პარლამენტის თავმჯდომარის მოადგილე არჩილ თალაკვაძე ჟურნალისტებთან პოლიტიკურ შეფასებას აკეთებს ევროსაბჭოს საპარლამენტო ასამბლეის მიერ მიღებულ რეზოლუციასთან დაკავშირებით, სადაც ერთ-ერთი ჩანაწერი საქართველოს მე-3 პრეზიდენტს, მიხეილ სააკაშვილს ეხება:
,,საქართველომ და საქართველოს სახელისუფლებო გუნდმა უკრაინის მხარდამჭერ რეზოლუციას მისცა ხმა პოლიტიკური კომიტეტის სხდომაზე, რაც შემდეგ მოხდა იყო, რა თქმა უნდა, დამაზიანებელი.
ეს გააკეთა ზუსტად ,,ნაციონალურმა მოძრაობამ” და სააკაშვილთან პირადად დაკავშირებულმა რამდენიმე დეპუტატმა. მათ დააინიცირეს სააკაშვილთან დაკავშირებული ცვლილება ამ რეზოლუციაში, რომელსაც 600 დეპუტატიდან მხოლოდ 55 დაუჭირა მხარი.
აქედან ჩანს, რომ სააკაშვილის საკითხმა, თვითონ რეზოლუციაზე, ძალიან ტოქსიკური გავლენა მოახდინა. დარწმუნებული ვარ, რომ ბევრი, მათ შორის, უკრაინელი დეპუტატიც კი, უკმაყოფილო იყო ამ ცვლილების ინიცირებით”, – განაცხადა არჩილ თალაკვაძემ.
ავტორი
ნინი ხიჯაკაძე
