კლინიკა “ვივამედის” გენერალური დერექტორის მიერ მედიაში საქართველოს მე-3 პრეზიდენტთან მიმართებაში დაფიქსირებულ პოზიციას – “მას აქვს სრული მიუღებლობა იმ მდგომარეობის, სადაც იმყოფება, რაც კატეგორიულად ამძიმებს დინამიკას, რომ სწრაფად აღდგეს ყველაფერი“, ეხმაურება საზოგადოებრივი მაუწყებლის სამეურვეო საბჭოს წევრი ბონდო მძინარაშვილი და მიხეილ სააკაშვილის მიმართ მწვავე შეფასებებს აკეთებს:
“გამოდის, რომ სააკაშვილის ბედნიერებისთვის საჭიროა მისი პატიმრობიდან გათავისუფლება!
დიახ, ეს არის ერთადერთი გამოსავალი და ამ სიმართლის ტყუილით შეფუთვა, რომ ეს ადაპტაციურად აშლილი მანიაკი სასჯელის გადავადების შემდეგ იმკურნალებს, ბედს შეეგუება და საპატიმროს დაუბრუნდება, არის აბსოლუტური ტყუილი!
ეს ქვეყანა და სამართალი სააკაშვილის ბედნიერებისთვის არ შექმნილა!
ეგდოს და მოიხადოს სასჯელი!
ისედაც ცოტა აქვს მისჯილი!” – წერს ფეისბუქის პირად გვერდზე ბონდო მძინარაშვილი.
