“სამხარაულის ექსპერტიზის დასკვნას მოუწევს კონკურენციის გაწევა მსოფლიოში აღიარებულ ექსპერტებთან” – შალვა ხაჭაპურიძე

საქართველოს მე-3 პრეზიდენტის პალატაში, კლინიკა ,,ვივამედში“ სამხარაულის ექსპერტიზის ბიუროს სპეციალისტები შევლენ, მას შემდეგ, რაც უცხოელი ექსპერტები მოინახულებენ. აღნიშნულთან დაკავშირებით კომენტარს აკეთებს მიხელ სააკაშვილის ადვოკატი შალვა ხაჭაპურიძე და აცხადებს, რომ ბიუროს სპეციალისტების შესვლა კონკრეტულ მიზანს ემსახურება:

,,მათი შესვლა ემსახურება მხოლოდ ერთ მიზანს, რომ შექმნან დოკუმენტები თითქოსდა სააკაშვილის მიმართ არ ჰქონია რაიმე უკანონო ქმედებებს ადგილი, რომ იგი ჯანმრთელია.

თავშივე ცხადი იყო ეს ყველაფერი, ეს ნდობა და ასე ვთქვათ – ყალბი დასკვნები რომ იქნებოდა, ზუსტად ამიტომაც ჩვენს მიერ მოწვეული იქნენ ამერიკელი ექსპერტები, მსოფლიოში ცნობილები, მიუკერძოებლები.

სამხარაულის ექსპერტიზის დასკვნას მოუწევს კონკურენციის გაწევა მსოფლიოში აღიარებულ ექსპერტებთან“, – განაცხადა შალვა ხაჭაპურიძემ.

ავტორი
ნინი ხიჯაკაძე