ბიძინა ივანიშვილთან დაკავშირებული კომპანია ,,ქართუ ფონდის“ მიერ დავით ხიდაშელის კომპანია ,,სულანჟერის“ აქციების 35%-ის შესყიდვის თაობაზე ოპოზიციაში გამოთქმულ მწვავე შეფასებებს, საპასუხო მწვავე პოზიციით პასუხობს, ჟურნალისტებთან კომენტარში, პარლამენტის თავმჯდომარის მოადგილე არჩილ თალაკვაძე და ამასთან აღნიშნავს, რომ მას არ აქვს ინფორმაცია ზემოაღნიშნულ ბიზნესგარიგებასთან დაკავშირებით:
,,არ მაქვს ინფორმაცია – ეს რაღაც ბიზნესის სფეროდან მეკითხებით. მე შემიძლია გითხრათ, რომ ბატონი ბიძინა ივანიშვილის პოლიტიკური ლიდერობით ამ ქვეყანაში რეალური დემოკრატრიული რეფორმები გატარდა.
ის არის ქველმოქმედი, ფილანტროფი, დაკავებულია განათლების, კულტურის სფეროს დაფინანსებით და საქველმოქმედო პროექტებით.
ჩემი აზრით, სულმდაბლობაა რადიკალური ოპოზიციის წარმომადგენლების თავდასხმები მაშინ, როდესაც იციან, რომ ის პოლიტიკიდან არის გასული და პოლიტიკურ განცხადებებს არც კი პასუხობს“, – განაცხადა არჩილ თალაკვაძემ.
ავტორი
ნინი ხიჯაკაძე
