“ეს ყველაფერი მივა სასიცოცხლო მაჩვენებლების დაქვეითებამდეც და უმართავ პროცესებამდე” – მარიამ ჯიშკარიანი მიხეილ სააკაშვილის ჯანმრთელობის მდგომარეობაზე

ამერიკელი ნობელიანტი პროფესორი ჯეიმს კობი რამდენიმე დღეა ჯანდაცვის სამინისტროს გადაწყვეტილების მოლოდინშია, რათა საქართველოს მე-3 პრეზიდენტი კლინიკა ,,ვივამედში“ მოინახულოს. აღნიშნულთან დაკავშირებით და მიხეილ სააკაშვილის ჯანმმრთელობის მდგომარეობის შესახებ კომენტარს აკეთებს წამების მსხვერპლთა ფსიქოლოგიური რეაბილიტაციის ცენტს ,,ემპათიას“ ხელმძღვანელი მარიამ ჯიშკარიანი:

,,პრაქტიკულად განუწყვეტელი მიმოწერა გვაქვს უკვე რამდენიმე თვის განმავლობაში და ასე ამერიკული სერთიფიკატების მქონე ადამიანების ლიცენზიების აღიარებას ჩვენი ჯანდაცვის სამინისტრო, პოლიტექნიკური განათლების მქონე შალიკაძე და ფინანსისტი მინისტრი, უნდება ამდენი თვის განმავლობაში.

პაციენტის წონის კლება გძელდება. გრძელდება გარკვეული ნეიროფსიქოლოგიური მიმართულებითაც სიმპტომატიკის დამძიმება.

ეს ყველაფერი მივა, რა თქმა უნდა, კახექსიამდე [ორგანიზმის გამოფიტვა, დაუძლურება], შემდგომში სასიცოცხლო მაჩვენებლების დაქვეითებამდეც და ასე ვთქვათ – უმართავ პროცესებამდე“, – განაცხადა მარიამ ჯიშკარიანმა.

ავტორი
ნინი ხიჯაკაძე