“რუსეთია ახლა იზიუმის და ლიმანის შემდეგ ასე – ნაბეგვი და ნაჟეჟი, როგორც ჯაყო” – კონსტანტინე გამსახურდია

მიხეილ ჯავახიშვილის ნაწარმოები “ჯაყოს ხიზნები” მიუსადაგა რუსეთის არმიის მძიმე მარცხს უკრაინის ქალაქებში იზიუმსა და ლიმანში მწერალმა, ფილოლოგმა, ისტორიკოს-ლიტერატურათმცოდნემ, გერმანიაში საქართველოს დესპანმა კონსტანტინე გამსახურდიამ:

“მახსოვს, მეცხრე კლასელი ვიყავი, როდესაც მიხეილ ჯავახიშვილის “ჯაყოს ხიზნები” წავიკითხე. საშინელი აღშფოთება არ მტოვებდა იმაზე, რაც ამ წიგნში ხდებოდა. და როდესაც ნინიკამ კარგა მიჟეჟა და მიბეგვა მოძალადე ჯაყო, შინაგანად მადლობას ვუხდიდი მწერალს, ეს რომ დამანახა.

რუსეთია ახლა იზიუმის და ლიმანის შემდეგ ასე – ნაბეგვი და ნაჟეჟი, როგორც ჯაყო. თითქოს მოთვინიერებულიც, მოჭკვიანებულიც, ოღონდ ეს რა თქმა უნდა, ამ ეტაპზე ილუზიაა“, -წერს ფეისბუქის პირად გვერდზე კონსტანტინე გამსახურდია.