საქართველოს პარლამენტის წევრი, ,,სტრატეგია აღმაშენებლის” თავმჯდომარე გიორგი ვაშაძე კომენტარს აკეთებს რუსეთის მოქალაქეებისთვის საზღვრის ჩაკეტვის საკითხთან დაკავშირებით. ოპოზიციონერი ლიდერი მწვავე შეფასებებს აკეთებს რუსეთის მოქალაქეების უკონტროლო მიგრაციასთან დაკავშირებით და ერთგვარი რიტორიკული შეკითხვებით მიმართავს მმართველი პარტიის ლიდერებს:
,,დაუყოვნებლივ უნდა დაიკეტოს საზღვარი, რომ არ მოხდეს უტანტო ანექსია ჩვენი ქვეყნის.
მე მივმართავ ირაკლი კობახიძეს და ირაკლი ღარიბაშვილს – სად ხართ? რას აკეთებთ? რატომ ხართ ჩუმად?!
ერთი – ჯერ კიდევ პრემიერი ხართ, მეორე – ჯერ კიდევ პრორუსული პარტიის თავმჯდომარე.
რატომ არ გამოდიხართ და არაფერს არ ამბობთ ამ პრობლემებთან დაკავშირებით?!
საქართველოს მოქალაქეებს ვეკითხები, რამდენიმე კვირაში, როცა ნახევარი მილიონი რუსეთის მოქალაქეს აღმოვაჩენთ ჩვენს ქვეყანაში, ჩვენს სამშობლოში – ჩვენი ადგილი სად იქნება?!
როდემდე უნდა ვუყუროთ პროცესს, რომელიც არის ანტიეროვნული, ანტიქართული და ჩვენი ეროვნული ინტერესების საწინააღმდეგო”, – განაცხადა გიორგი ვაშაძემ.
ავტორი
ნინი ხიჯაკაძე
