“საცობები ყოველთვის იყო თბილისში, მაგრამ ასე გადამეტებით არ ყოფილა” – კახა კალაძე

თბილისის მერი კახა კალაძე დედაქალაქში შექმნილი საცობების შესახებ ჟურნალისტებთან კომენტარს აკეთებს. კალაძის თქმით, აღნიშნული პრობლემა გამოწვეულია ქეთევან დედოფლისა და მელიქიშვილის გამზირებზე მიმდინარე სარეაბილიტაციო სამუშაოების გამო:

,,2 უმნიშვნელოვანესი კვანძი არის გადაკეტილი – მოძრაობა შეზღუდულია. ეს, რა თქმა უნდა, იწვევს იმ საცობებს დღის განმავლობაში, რაც გვაქვს.

საცობები ყოველთვის იყო თბილისში, მაგრამ ასე გადამეტებით არ ყოფილა.

ეს გამოწვეულია იმ მნიშვნელოვანი და საშვილიშვილო სამუშაოების გამო, რომელიც ამ ორ კონკრეტულ გამზირზე მიმდინარეობს“, – განაცხადა კახა კალაძემ.

ინფორმაციისთვის: როგორც თბილისის მერმა დაანონსა, მიმდინარე სამუშაოების დასრულების შემდეგ დაგეგმილია წერეთლის გამზირის რეაბილიტაცია, ხოლო მომავალი წლისთვის ვაჟა-ფშაველას გამზირის სარეაბილიტაციო სამუშაოები.

ავტორი
ნინი ხიჯაკაძე