თბილისის საქალაქო სასამართლოში საქართველოს მე-3 პრეზიდენტის პროცესი საზღვრის კვეთის საქმესთან დაკავშირებით მიმდინარეობდა. კონკრეტული განმარტება მიხეილ სააკაშვილის ჯანმრთელობისა და საქმის მსვლელობის შესახებ გააკეთა ადვოკატმა შოთა თუთბერიძემ:
,,ბუნებრივია, ეს არის მორიგი პოლიტიკური პროცესი და იმ დიდი პოლიტიკური პროცესის ნაწილი, რომელიც მიმდინარეობს საქართველოში ბოლო რამდენიმე წლის მანძილზე.
ამ საქმის პოლიტიკური შინაარსი არ ცვლის იმას, რომ დაცვის მხარე სრულად გამოიყენებს საქართველოს საპროცესო კოდექსით მინიჭებულ უფლებებს და ყველა შესაძლებლობას ამოწურავს იმისთვის, რომ თუნდაც შეიქმნას საფუძველი სტრატეგიული სამართლებრივი ბრძოლისთვის. მათ შორის, საერთაშორისო დონეზეც.
მიხეილ სააკაშვილის ჯანმრთელობის მდგომარეობა არ არის გაუმჯობესებული. ის რჩება კვლავ მძიმე მდგომარეობაში. მათ შორის, ყველა ის პრობლემა, რომელზეც ჩვენ უკვე თვეები არის ვსაუბრობთ, რჩება ძალაში.
რაც კიდევ ერთხელ ცხადყოფს იმას, რომ მიხეილ სააკაშვილს სჭირდება ჯეროვანი მკურნალობა, რომელიც მას, სამწუხაროდ, აქ ვერ ეწევა“, – განაცხადა შოთა თუთბერიძემ.
ავტორი
ნინი ხიჯაკაძე
