ოპოზიციონერი ლიდერების მიერ დაფიქსირებულ ცალკეულ პოზიციებთან დაკავშირებით განცხადებას ავრცელებს პოლიტიკური პარტია “სტრატეგია აღმაშენებლის” თავმჯდომარე, პარლამენტის დეპუტატი გიორგი ვაშაძე და ოპოზიციას ერთიანობისკენ მოუწოდებს!
“უმცირესობაში მყოფი პრორუსული ,,ქართული ოცნება” მართავს პროევროპულ უმრავლესობას და ჩვენს წინაშე დგას დიდი ამოცანა.
პირველი – დავიბრუნოთ პროევროპელებმა პრორუსების მიერ მიტაცებული სამშობლო!
მეორე – მივიღოთ ევროკავშირის კანდიდატი ქვეყნის სტატუსი და შემდგომ გავხდეთ ევროპისსრულუფლებიანი წევრი.
ამ ბრძოლაში ნებისმიერი ოპოზიციური ლიდერის მხრიდან ისრების გადატანა სხვა საკითხებზე მხოლოდ და მხოლოდ ასუსტებს პროევროპულ ფლანგს, პროევროპულ უმრავლესობას და აძლიერებს უმცირესობაში მყოფ პრორუსულ ,,ქართულ ოცნებას”.
მეგობრებო ყოველთვის, როდესაც განცხადებას ვაკეთებთ უნდა დავფიქრდეთ, ხომ არ დააზიანებს ეს პროევროპელთა პოზიციებს.
განცხადებები, რომელიც ხელს შეუწყობს “ფორმულას” დახურვას, შემდგომ “მთავარის” და “TVპირველის” ზედმიყოლებას, დამერწმუნეთ პროევროპულ ფლანგს კიდევ უფრო დაასუსტებს.
ასევე არ უნდა დაგვავიწყდეს განცხადების გაკეთებამდე იმის გააზრებაც, რომ გამოიყენებს თუ არა პრორუსული ,,ქართული ოცნება” საკუთარი პრორუსული მიზნების განსახორციელებლად თქვენს ნათქვამს და შემდგომ უნდა გააკეთოთ განცხადებები რადგან, ამოცანა ძალზე რთულია, რომ პროევროპელ უმრავლესობას დავუბრუნოთ, პრორუსული ,,ქართული ოცნების” მიერ მიტაცებული სამშობლო.
აქედან გამომდინარე, მოვუწოდებ ყველა ოპოზიციურ ლიდერს, კონცენტრაცია გავაკეთოთ პრორუსული ,,ქართული ოცნების” მიერ მიტაცებული ჩვენი სამშობლოს უკან დაბრუნებაზე – ეს არის ამოცანა ნომერი პირველი! პროევროპულმა უმრავლესობამ უნდა გაიმარჯვოს!
ნუ შევიტანთ დისონანს ჩვენს ფლანგზე”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
