პარლამენტის რეგიონალური პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა ჟურნალისტებთან კომენტარს აკეთებს რუსეთის მოქალაქეების საქართველოში აქტიურად და მასიურად შემოსვლასთან დაკავშირებით:
,,ჩვენი ქვეყანა ისეთი მაგარია, ლამაზია, რომ რიგები იქ დგას დიდი ხანია, ჩვენი ჩრდილოელი მეზობლიდან. კანონის შესაბამისად, ჩვენი ძალოვანი სამსახურები ფილტრავენ: ის, ვინც არის მიუღებელი ჩვენი ქვეყნისთვისა და ინტერესებისთვის – უკან მიაბრუნებენ, როგორც აქამდე აბრუნებენ.
ახლა, რაც შეეხება მცდელობას, რომ თითქოს მობილიზაცია გამოცხადდა იმიტომ, რომ ბოლო დღეებს ითვლის სავარაუდოდ პუტინის რეჟიმი. არ არის ასე მეგობრებო. იმიტომ, რომ იქ, თუ არ ვცდები, თვითონ აქვთ ჩაკეტილი.
იმ ტურისტებს, რომლებსაც უნდა ჩვენს ქვეყანაში ფული დახარჯონ, დაისვენონ და ა.შ. ისევე, როგორც ნებისმიერი ქვეყნიდან – ჩვენ მივიღებთ!“, – განაცხადა ირაკლი ზარქუამ.
ავტორი
ნინი ხიჯაკაძე
