პარტია ,,ქართული ოცნების“ თავმჯდომარე ჟურნალისტებთან კომენტარს აკეთებს ე.წ. ,,განდგომილი“ დეპუტატების განცხადებებზე, საქართველოში ამერიკის შეერთებული შტატების ელჩის კელი დეგნანის მიმართ. მმართველი პარტიის ერთ-ერთი ლიდერი აღნიშნავს, რომ ,,ქართული ოცნებიდან“ წასული ოთხივე დეპუტატი გამორჩეულები არიან ღირსეული წარსულით:
,,ელჩმა გააკეთა ძალიან უხეში და შეურაცხმყოფელი განცხადება. მან თქვა, რომ 4 ადამიანი, ჩვენი ღირსეული ოთხი კოლეგა ავრცელებს ტყუილებს და რუსულ დეზინფორმაციას.
წარმოვიდგინოთ თეორიულად და პრაქტიკულად, რომ რაც წერია იმ წერილებში არის 100%-ით, ან 90%-ით, ან 80%-ით სიმართლე. ჩვენი თავი წარმოიდგინეთ ამ ვითარებაში და მერე იძულებული ვართ, რომ იქიდან ან 90% დავადასტუროთ, 10% უარვყოთ, ან 100%-ვე დავადასტუროთ და 0 უარვყოთ.
მე კიდევ ერთხელ გავიმეორებ ერთ რამეს, როდესაც შეურაცხყოფას აყენებენ 4 ჩვენს კოლეგას, ხალხის მიერ არჩეულ პარლამენტის წევრს და მარტო ხალხის არჩევაც არ არის აქ მნიშნელოვანი, ამის გარდა ამ ადამიანებს აქვთ საკუთარი ღირსეული წარსული, კიდევ ერთხელ ჩამოვთვლი: სოზარ სუბარი – თავისი წარსულით და დღევანდელობით, დიტო ხუნდაძე, მიხეილ ყაველაშვილი და გურამ მაჭარაშვილი, ეს ადამიანები თავის დროზე იბრძოდნენ ქვეყნისთვის და დღესაც ამ რწმენით მოქმედებენ“, – აცხადებს ირაკლი კობახიძე.
ავტორი
ნინი ხიჯაკაძე
