საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე პარლამენტში სიტყვის გამოსვლის დროს მწვავე და კრიტიკულ შეფასებას აკეთებს ქვეყანაში არსებულ მძიმე სოციალურ-ეკონომიკურ პრობლემებთან დაკავშირებით:
,,აქ ოპოზიციის მხრიდან იყო ნამდვილად ხალხის პრობლემაზე და სატკივარზე საუბარი, რასაც ვერ ვხედავ, სამწუხაროდ, ხელისუფლების წარმომადგენლების მხრიდან.
ეს არის მართლა აშკარა და თვალში საცემი! რა პარლამენტია და რა პარლამენტის წევრი ვარ მე, თუ არ ითქმება იმ ხალხის პრობლემაზე და სატკივარზე, ვისაც სკოლაში ბავშვი რომ მიეყვანა, მისთვის ჩანთა შეეძინა, ამის ფული არ ქონდა იმ ადამიანს?! ან იმ ადამიანებზე, რომლებიც დღე არ გავა არ მომწერონ, როგორ შეიძლება საქართველოს დააღწიონ თავი, წავიდნენ მექსიკაში, ან იმ ისტორიების პირობებში, როცა ადამიანი პირადად მწერდა, რომ 3 თვის ბავშვთან ერთად 5 დღის მანძილზე იყო ამერიკა-მექსიკის საზღვარზე, ძლივს გადააღწია, კონტეინერში ცხოვრობდა შემდეგ ათი დღე…
ამ ხალხის პრობლემებზე თუ არ ვიფიქრეთ, მაშინ რა აზრი აქვს პარლამენტს და ამ პარლამენტში ყოფნას?!”, – განაცხადა პაატა მანჯგალაძემ.
ავტორი
ნინი ხიჯაკაძე
