პარლამენტში ევროსაბჭოს 12 რეკომენდაციაზე მუშაობის პროცესი გრძელდება. მომდევნო კვირას დაინიცირდება საპარლამენტო კონტროლთან და საარჩევნო რეფორმასთან დაკავშირებული კანონპროექტები. აღნიშნულ თემაზე კომენტარს აკეთებს პარლამენტის ფრაქცია ,,ქართული ოცნების“ თავმჯდომარის მოადგილე რატი იონათამიშვილი:
,,საარჩევნო რეფორმასთან დაკავშირებით ჩვენ ფაქტობრივად ეუთო/ოდირის ყველა რეკომენდაციასთან დაკავშირებით გვაქვს შედეგი და ეს აისახება კანონპროექტში.
რაც შეეხება საპარლამენტო კონტროლის გაძლიერებას, ამ მხრივ პარლამენტის რეგლამენტში შევა ისეთი ცვლილებები, რომლებიც გაამარტივებს და უფრო ეფექტურს გახდის გამოყენების პროცედურებს როგორც ინტერპრეტაციის, ასევე დეპუტატის კითხვის, მინისტრის საათისა თუ სხვა საპარლამენტო ზედამხედველობის კუთხით“, – განაცხადა რატი იონათამიშვილმა.
ავტორი
ნინი ხიჯაკაძე
