საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე მწვავე პოლიტიკურ შეფასებას აკეთებს ქვეყნაში მმართველი პარტიის ლიდერების მიერ გავრცელებულ განცხადებებთან დაკავშირებით:
,,ფსიქოლოგიური ტერორი, მოქალაქეების დაზაფრვა, დაშინება, საინფორმაციო დივერსია – ეს არის რუსული ჰიბრიდული ომი!
მათ სამიზნეს, პირველ ეტაპზე – წარმოადგენს არა ხელისუფლების სტრუქტურები და სახელმწიფო ინფრასტრუქტურა, არამედ ადამიანები, მოქალაქეები, მათი დათრგუნვა და დაშინება.
ყოველდღე ამას აკეთებს ირაკლი კობახიძე. დიახ! – ვუდასტურებ ქალბატონ ელჩს. ირაკლი კობახიძე დაკავებულია რუსული ჰიბრიდული ბრძოლის ხერხებით, რომ როგორ დაზაფროს, როგორ დაატეროროს, დააშინოს საქართველოს მოსახლეობა!
პირდაპირ შემიძლია ვთქვა – ირაკლი კობახიძე და ,,ქართული ოცნების“ ლიდერები ჩამოყალიბდნენ საინფორმაციო ტერორისტებად!“, – განაცხადა პაატა მანჯგალაძემ.
ინფორმაციისთვის: ამერიკის შეერთებული შტატების სრულუფლებიანმა ელჩმა საქართველოში კელი დეგნანმა ტელეკომპანია “იმედის” ეთერში განაცხადა, რომ კონკრეტულ დაფიქსირებულ პოზიციებთან დაკავშირებით ვაშინგტონში საქართველოს ხელისუფლების მოტივები აინტერესებთ.
ავტორი
ნინი ხიჯაკაძე
