“ნაც. მოძრაობა” ცდილობს, რომ ამ დაპირისპირების ფონზე, ამღვრეულ წყალში, როგორმე თავისი სასურველი პოლიტიკური თევზი დაიჭიროს” – გიორგი ვოლსკი

პარლამენტის პირველი ვიცე-სპიკერი გიორგი ვოლსკი ჟურნალისტებთან პოლიტიკურ შეფასებას აკეთებს სანქციების თემაზე და მწვავე პოზიციას აფიქსირებს “ნაციონალურ მოძრაობასთან” დაკავშირებით:

,,ერმაკის და მაკფოლის კომისიამ გამოაქვეყნა სია, სრულიად დაუსაბუთებელი, არანაირი არგუმენტი იმისა, რომ ვინმეს, ამ სიაში მყოფთაგანს, უნდა დაუწესდეს კონკრეტული მიზეზის გამო სანქცია, არ არსებობს.

ამ რეალობის იქით არსებობს კიდევ უშველებელი პრობლემა და ამ პრობლემასთან არის დაპირისპირებული მთელი მსოფლიო, რასაც რუსეთის აგრესია ჰქვია და რასაკვირველია, ,,ნაც. მოძრაობა”, რომელიც ცდილობს, რომ ამ დაპირისპირების ფონზე, ამღვრეულ წყალში, როგორმე თავისი სასურველი პოლიტიკური თევზი დაიჭიროს. ყველა სიბინძურეს იყენებს იმისათვის, რომ თავის მიზანს მიაღწიოს“, – განაცხადა გიორგი ვოლსკიმ.

ავტორი
ნინი ხიჯაკაძე