“თუ ვინმე არის დაკავშირებული თავისუფალ სამყაროსთან, იქ აქვთ ბევრი კითხვები – ეს არის პუტინისტური რეჟიმისთვის დამახასიათებელი” – გიგა ბოკერია

პარტია ,,ქართული ოცნების“ თავმჯდომარემ, ირაკლი კობახიძემ კიდევ ერთხელ გააკრიტიკა არასამთავრობო სექტორი და მათგან მოითხოვა ფინანსური გამჭვირვალობა. ამასთან დაკავშირებით მწვავე შეფასება გააკეთა პარტია ,,ევროპული საქართველოს“ თავმჯდომარემ გიგა ბოკერიამ:

,,ამ ხალხს ის კი არ აინტერესებს ქვეყნის მტრები ვინც არიან და ქვეყნის მტრებთან დაკავშირებული ჯგუფები, პირდაპირ პუტინისტები – ისინი საიდან ფინანსდებიან?! არაფერს არ ვამბობ მათი მთავრობის და მმართველი გუნდის გარშემო ხალხის დაფინანსებაზე.

პირდაპირ, ღიად რომ იძახიან ჩვენი მტრის ხალხია, აქ რუსეთის ბაზა უნდა იყოს და საქართველო სახელმწიფო არ უნდა იყოსო. პრაქტიკულად ამას ვინ იძახის, იმათ დაფინანსებაზე არც ინტერესი აქვთ, არც არასოდეს არაფერი არ უქნიათ. იმიტომ, რომ ისინი არიან ერთი სული და ხორცი.

აი, თუ ვინმე არის დაკავშირებული თავისუფალ სამყაროსთან, იქ აქვთ ბევრი კითხვები და უნდა აწარმოონ ესეთი კამპანია. იმისთვის, რომ მოხდეს დისკრედიტაცია საერთოდ ყველაფრის. ეს არის პუტინისტური რეჟიმისთვის დამახასიათებელი“, – განცხადა გიგა ბოკერიამ.

ავტორი
ნინი ხიჯაკაძე