“ქართული ოცნების” კონკრეტულ შეთავაზებას “საარჩევნო კოდექსთან” დაკავშირებით, სოციალურ ქსელში გამოქვეყნებული პოსტით, ეხმაურება პოლიტიკის მეცნიერების დოქტორი, ანალიტიკოსი ლევან ნიკოლეიშვილი:
“2024 წლიდან არჩევნებში ხმის მიცემა ელექტრონულად იქნება შესაძლებელი – გამოაცხადა დღეს სახელისუფლებო პარტია -„ქართულმა ოცნებამ“. 12 პუნქტიანი რეკომენდაციიდან კიდევ ერთი პუნქტის შესრულებას დაუდო საფუძველი. თან საინტერესოა, რომ ოპოზიციის მუდმივი შეძახილი „გაყალბდა, გაყალბდა“-საც ეცლება ძირი და ალბათ ეგზიტპოლების პრაქტიკასაც. აღარაფერს ვამბობ არასანდო და რეპუტაცია შელახული არასამთავრობო ორგანიზაციებიც (მაგალითად -ISFED) შესაძლოა უსაქმოდ დარჩნენ.
რა თქმა უნდა გამოჩნდებიან სკეპტიკოსებიც, რომლებიც არ მოიწონებენ ამ რაციონალურ ინიციატივას, ისე როგორც თავის დროზე ამბობდნენ საბანკო საბარათე სისტემა უაზრობაა, ან ყველას გვახსოვს მაგალითად არცერთი სტომატოლოგი, არცთუ ისე შორეულ წარსულში ანესთეზიას (ტკივილ გამაყუჩებელ ნემსს) არ აკეთებდა კბილის ბურღვამდე, დღეს კი სტომატოლოგიაც განვითარდა და საბანკო ბარათით თუ ელექტრონული საბანკო მომსახურებით უამრავი ადამიანი სარგებლობს.
განვითარება და პროგრესი ყველგან აუცილებელია, მით უმეტეს არჩევნების დროს, განსაკუთრებით თუ ქვეყანაში ურეიტინგო, მყვირალა, რადიკალური ოპოზიცია და მიკერძოებული არასამთავრობო სექტორი გყავს,” – წერს ფეისბუქის პირად გვერდზე ლევან ნიკოლეიშვილი.
