სუს-ის ყოფილი მაღალჩინოსნის, პატიმრობაში მყოფი სოსო გოგაშვილი მორიგ ე.წ. მამხილებელი ინფორმაციების გავრცელებას ეხმაურება მედიაჰოლდინგ “ქრონიკა +”-ის დამფუძნებელი, ელისო კილაძე:
“ეს არ არის მხილება, ეს არის ბო@@@ა. რასაც ახლა გოგაშვილი კადრულობს ქართული სპეცსამსახურის ისტორიაში არავის უკადრებია!
ტიპი ყველა სიბინძურეში მონაწილეობდა, აკეთებდა ფულს, აგროვებდა ქონებას, მილიონებს, სამსახურიდან გააგდეს (ფული დაუტოვეს) და ეს აღზევებული მდაბიო იმდენად ვერ შეეგუა ძალაუფლების დაკარგვას, მოაღო პირი და ჰყვება ტყუილ-მართალს!
მაშინ როცა – სააკაშვილის დროინდელ ყველა ძალოვანს სთხოვდნენ ჩვენებას მიშას წინააღმდეგ, ზოგი ქვეყნიდან გაიქცა, ზოგი ციხეში დაჯდა და არცერთმა მათგანმა სიტყვა არ დაძრა!!!
მოყოლაზე თუ მიდგებოდა საქმე, მოსაყოლი ვაჟა ლელუაშვილს რომ ჰქონდა, სიზმარშიც ვერ ნახავდა ანტრიკოტა. ციხე არჩია – მოიხადა!
პროფესიონალები ასე იქცევიან, ყასბები და “დანოსჩიკები” გოგაშვილის მსგავსად!
სათქმელი ბევრს და ბევრი ქონდათ, იმ და ამ წლებშიც, მაგრამ სპეცსამსახურის სპეციფიკა ბევრ ისეთ ქმედებას და საიდუმლოს მოიცავს, არასოდეს რომ არ ითქმება!!!
თუმცა… ვის ვუკითხავ მეც მორალს – ძაღლების მალიარს?!” – წერს ფეისბუქის პირად გვერდზე ელისო კილაძე.
ინფორმაციისთვის: სოსო გოგაშვილის ფეისბუქის საკუთარ გვერდზე გავრცელდა მორიგი ე.წ. მამხილებელი ინფორმაციები. ამჯერად სუს-ის ყოფილი მაღალჩინოსანი ქართული სპეცსამსახურების რუსულ სპეცსამსახურებთან თანამშრომლობისა და სანქციების გვერდის ავლით უკანონო ქმედებების შესახებ საუბრობს. აღნიშნულთან დაკავშირებით იგი განმარტებებს აკეთებს და აცხადებს, რომ “მე უკვე საბოლოოდ მივიღე გადაწყვეტილება მომეგროვებინა მტკიცებულებები ამ ბინძური, მოღალატე ხელისუფლების შესახებ, რომლის ნაწილიც სამწუხაროდ მეც ვიყავი. სამხილებლად რუსულ სპეცსამსაურებთან თანამშრომლობის ამ ეპიზოდზე, ასევე სხვა ნებისმიერ ინფორმაციაზე, რასაც ვასაჯაროვებ, მაქვს კონკრეტული მტკიცებულებები“.
