უფლებადამცველი, სახალხო დამცველის ყოფილი მოადგილე, წინა ხელისუფლების დროს ოპოზიციონერი ლიდერი სოფიო ხორგუანი სოციალურ ქსელში გამოქვეყნებულ პოსტში მის წინააღმდეგ აგორებული ნეგატიური კამპანიის შესახებ საუბრობს:
“10 წელია, უპარტიო ვარ, ენჯეოში არც ოდესმე ვყოფილვარ, ფინანსურ ჯგუფს არ წამოვადგენ, ახალ საქმეებსაც კი არ ვიღებდი 2019 წლიდან, ვინმეს რომ არ ეთქვა, პრემიერთან მეგობრობით სარგებლობსო.
დანაზოგითა და ახლობლებით ვცხოვრობ. რაც გამაჩნია, შრომითა და თავით, მემკვიდრეობა აფხაზეთში დამრჩა. ერთი დევნილი მოქალაქე ვარ და ეს, ხელისუფლებაში ათი წელი მყოფი ძალა, იმისთვის რომ იცლის, სიუჟეტები მომიძღვნას, ჭორები გამივრცელოს და ტროლ-ბოტები მომიქსიოს, რა ჰქვია ამ რეჟიმს?!
p.s. სააკაშვილის ავტოკრატიული რეჟიმის დროს “დე ფაქტო” და “დე იურე” ოპოზიციური პარტიის მმართველი საბჭოს წევრი ვიყავი და მიყურადებდნენ და მითვალთვალებდნენ, როგორც ავტოკრატიას ეკუთვნის.
p.p.s. იმ უცხოური სიტყვების სწორად წერა მაინც ასწავლეთ, რითაც მლანძღავენ😋” – წერს ფეისბუქის პირად გვერდზე სოფიო ხორგუანი.
ინფორმაციისთვის: როგორც პოსტის კომენტარებიდან ირკვევა, ნეგატიური კამპანიის მიზეზი შესაძლოა ყოფილიყო სახალხო დამცველის კანდიდატობა, რაზეც სოფიო ხორგუანი აცხადებს – “ხატზე ხომ არ დავიფიცებ, რომ არ მინდა ომბუდსმენობა“…
