პოლიტიკური პარტია “სტრატეგია აღმაშენებლის” თავმჯდომარე, პარლამენტის წევრი გიორგი ვაშაძე საგანგებო განცხადებას ავრცელებს მოსმენების კანონში შეტანილ ცვლილებებთან დაკავშირებით:
“ქმედებები, რომლებიც ვიხილეთ მოსმენების შესახებ კანონში ცვლილებებთან დაკავშირებით, ამ კანონის დაჩქარებული წესით მიღება, შემდეგ პრეზიდენტის ვეტოს დაძლევა, ასევე, ავტორიტეტული საერთაშორისო ორგანიზაციების, მათ შორის ვენეციის კომისიის, ჩვენი პარტნიორების: ამერიკის საელჩოს, ევროპარლამენტარების და ჩვენი, ოპოზიციის პოზიციების უგულებელყოფა არ არის გზა ევროპისკენ.
უფრო მეტიც, ეს არის „ქართული ოცნების“ მიზანმიმართული ფარული მოქმედებების ნაწილი და მცდელობა დააზიანონ საქართველოსთვის ევროკავშირის წევრი სახელმწიფოს კანდიდატის სტატუსის მიღების შესაძლებლობა, ისე, რომ ამის შესახებ მოსახლეობამ ვერ გაიგოს.
არავითარი გადაუდებელი აუცილებლობა არ არსებობდა იმ კანონის დაჩქარებული წესით მიღების, რომელიც მთავრობას საშუალებას აძლევს გააკონტროლოს მოქალაქეების ფართო წრე განუსაზღვრელი ვადით და ამ ნაწილში სრულად ვიზიარებთ აშშ-ს საელჩოს და ვენეციის კომისიის შეფასებებს” – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
