იუსტიციის მინისტრი, რატი ბრეგაძე ჟურნალისტებთან კონკრეტულ განმარტებებს აკეთებს მიხეილ სააკაშვილის ჯანმრთელობის მდგომარეობასა და მისი საზღვარგარეთ სამკურნალოდ გაყვანისთვის საჭირო სამართლებრივ მხარეზე:
“როგორც მოგეხსენებათ, ეს ადამიანი, რამდენიმე თვის განმავლობაში, იმყოფება კლინიკა “ვივამედში” და მის ჯანმრთლობის მდგომარეობაზე მუდმივ ზედამხედველობას ახორციელებს კვალიფიციური სამედიცინო პერსონალი.
მისი ჯანმრთელობის მდგომარეობა წარმოადგენს საზოგადოების ინტერესს და ჩვენ გვინდა მივიღოთ დამატებითი ინფორმაცია, რომელიც იქნება ცალკე ექპერტიზისგან იმისათვის, რომ არ დარჩეს არც ერთი კითხვის ნიშანი ამ ადამიანის ჯანმრთელობის მდგომარეობის გარშემო.
მას არაერთხელ გაეწია კვალიფიციური სამედიცინო მომსახურება, როგორც უშუალოდ პენიტენციურ დაწესებულებაში, ასევე მე-18 სამკურნალო დაწესებელებაში, ასევე ის იმყოფებოდა გორში და როდესაც საჭირო გახდა, იგი გადმოყვანილ იქნა კლინიკა “ვივამედში”.
ანუ, მთელს ამ პერიოდში, როდესაც მას სჭირდებოდა სამედიცინო დახმარება, სახელმწიფოს მხრიდან მას ეს დახმარება გაეწია.
ხოლო იმისთვის, რომ ადამიანი გავიდეს საზღვარგარეთ, სამკურნალოდ, ის არ უნდა იყოს მსჯავრდებული პატიმარი. მსჯავრდებული პატიმარი რომ არ იყოს კონკრეტული პატიმარი – სასჯელი უნდა იყოს ან გადავადებული, ან სასჯელისგან უნდა იყოს გათავისუფლებული. აღნიშნულთან დაკავშირებით კი გადაწყვეტილებას იღებს სასამართლო“, – განაცხადა რატი ბრეგაძემ.
