სახალხო დამცველის კანდიდატის შერჩევის პროცესზე პოლიტიკურ შეფასებას აკეთებს საპარლამენტო პოლიტიკური ჯგუფის ,,ლელო – პარტნიორობა საქართველოსთვის“ თავმჯდომარე დავით უსუფაშვილი:
,,იმისთვის, რომ ჩვენ მივიღოთ დამოუკიდებელი, ძლიერი ომბუდსმენი მომავალშიც; იმისთვის, რომ შესრულდეს ევროკავშირის ძალიან მკაფიო მითითება, რომ უნდა მოვახერხოთ დამოუკიდებელი და მაღალი ნდობის მქონე კანდიდატის შერჩევა ომბუდსმენად, ჩვენ 3 ეტაპს ვთავაზობთ ყველას – არასამთავრობო ორგანიზაციების ნდობის მქონე ხალხიდან შევარჩიოთ კანდიდატი, რომელსაც ხელისუფლება და ოპოზიცია მხარს დავუჭერთ ერთობლივად.
შეგახსენებთ, 90 ხმა არის საჭირო ომბუდსმენის ასარჩევად. ამიტომ, თუ კი ამ პროცესს ასე წარვმართავთ, სამოქალაქო სექტორის, საზოგადოების წარმომადგენლების მხარდაჭერის მქონე კანდიდატს ექნება ოპოზიციის და ხელისუფლების მხარდაჭერა, მაშინ ჩვენ მივიღებთ ძლიერ კანდიდატს, რომელიც თავის ფუნქციას შეასრულებს“, – განაცხადა დავით უსუფაშვილმა.
ავტორი
ნინი ხიჯაკაძე
