საქართველოს მე-3 პრეზიდენტის მიხეილ სააკაშვილის ჯანმრთელობის მდგომარეობის შემსწავლელ კომისიაში ჩართულობასთან დაკავშირებით უცხოელი ექსპერტებისთვის ლიცენზიის აღიარებას რეგულირების სააგენტო აჭიანურებს. აღნიშნულ საკითხზე კომენტარს აკეთებს წამების მსხვერპთა ფსიქოლოგიური რეაბილიტაციის ცენტ ,,ემპათია“-ს ხელმძღვანელი მარიამ ჯიშკარიანი:
,,ჩვენ მივმართეთ ჯანდაცვის სამინისტროს 5 და 10 აგვისტოს ხუთი ექსპერტისათვის დროებითი ლიცენზიის მინიჭების თაობაზე. სამწუხაროდ, დღემდე მათგან ვიღებთ არაადეკვატურ წერილებს დამატებითი მოთხოვნების თაობაზე.
ცენტრმა ,,ემპათიამ“ დაწვრილებით მიაწოდა ინფორმაცია გაეროს ექსპერტთან დაკავშირებით, ამის და მიუხედავად, ასევე სხვა ექსპერტებთან დაკავშირებით ჩვენ თანდათანობით ვაწოდებთ, ვინაიდან ჩვენი უცხოეული კოლეგებისთვის გაუგებარი არის ბეჭდიანი ცნობების აღება სამსახურიდან და ასევე, შრომის წიგნაკების წარმოდგენა, რაც საბჭოთა კავშრის გადმონაშთია. სამწუხაროდ, ჩვენი ჯანდაცვის სამინისტრო ჯერ კიდევ საბჭოთა კავშირში იმყოფება. მე ვერ მოვახერხე კომუნიკაცია ადეკვატური ჯანდაცვის სამინისტროს რეგულირების სააგენტოსთან.
რაც შეეხება გაეროს ექსპერტს – მინდა გითხრათ, რომ 29 აგვისტოს ის აქ იქნება. ჩვენ განვახორციელებთ ვიზიტს კლინიკა ,,ვივამედში“. მოვუწოდებ ჯანდაცვის სამინისტროს რეგულირების სააგენტოს, ხელს ნუ გვიშლის სასამართლო ექსპერტიზის მსვლელობისას, კეთილი ინებოს და ხვალვე გასცეს სასამართლო ექსპერტისათვის დამადასტურებელი დოკუმენტი დროებითი ლიცენზიის აღიარების.
წინააღმდეგ შემთხვევაში რეგულირების სააგენტოს მისამართით საჩივარი მიემართება, როგორც საქართველოს პროკურატურაში, ასევე სასამართლოში ექსპერტიზაში ხელის შეშლის მოტივით’’, – განაცხადა მარიამ ჯიშკარიანმა.
ავტორი
ნინი ხიჯაკაძე
