“ეს არ არის მუქარა, არამედ იმის შეხსენება “სამართლიანი არჩევნებისთვის”, თუ როგორ უწყობდნენ ხელს 2020 წელს რევოლუციურ სცენარს!” – გივი მიქანაძე

პარლამენტის ფრაქცია ,,ქართული ოცნების“ თავმჯდომარის პირველი მოადგილე გივი მიქანაძე კომენტარს აკეთებს არასამთავრობო ორგანიზაცია ,,სამართლიანი არჩევნების“ (ISFED) შესახებ სამუშოა ჯგუფებში მათი ჩართვის წინააღმდეგობის მიზეზებზე:

,,ჩვენ დავინახეთ, რომ ორგანიზაციას, რომელსაც აქვს პრეტენზია, რომ იყოს ნეიტრალური დამკვირვებელი არჩევნებზე, რომლის ერთ-ერთი ძირითადი პროფილი სწორედ საარჩევნო მიმართულებაა იმის ნაცვლად, რომ გაემიჯნოს პოლიტიკურ პროცესს, დააფიქსიროს თავისი ნეიტრალიტეტი – აქეთ გვდებს სრულიად უსაფუძვლოდ ბრალს იმასთან დაკავშირებით, რომ, თითქოს და, მათ მიმართ ხორციელდება რაღაცა ინდივიდუალური რეპრესია.

ეს არ არის მუქარა. ეს არის უბრალოდ იმის შეხსენება ,,სამართლიანი არჩევნებისთვის“, რაც მათ გააკეთეს და როგორ უწყობდნენ ისინი ხელს 2020 წელს რევოლუციურ სცენარს.

ასევე, თვენახევრის უკან ჩვენ ვნახეთ, როგორ შეუერთდა და მათი სახელით გაკეთდა განცხადება იმის თაობაზე, რომ მთავრობა უნდა გადამდგარიყო და ტექნიკური მთავრობა ჩამოყალიბებულიყო“, – განაცხადა გივი მიქანაძემ.

ავტორი
ნინი ხიჯაკაძე