კომუნიკაციების კომისიაში მმართველი პარტიის საჩივარზე ტელეკომპანიების ,,მთავარი არხის“, ,,ფორმულას“ და ,,ტვ პირველის“ ეთერში ორგანიზაცია ,,შინ ევროპისკენ“ მიერ განთავსებული კლიპთან დაკავშირებით მიმდინარე განხილვას ეხმაურება ,,სტრატეგია აღმაშენებლის“ გენერალური მდივანი და საქართველოს პარლამენტის წევრი პაატა მანჯგალაძე:
,,მარეგულირებელი კომისია იქცა ერთგვარ ცენზორად. ისინი არაფერს ამბობენ ანტიდასავლურ, ანტიქართულ გამოხტომებზე, პრორუსულ ტელევიზიებზე, ღიად ომის მოწოდებებზე. ამაზე დუმს მარეგულირებელი კომისია, მაგრამ შედის შინაარსის განხილვაში კრიტიკულ მედიებთან დაკავშირებით. კრიტიკულ მედიაში გასული ვთქვათ კონკრეტული სოციალურ რეკლამასთან დაკავშირებით.
ამიტომ მე არ მაქვს მოლოდინი, რომ სამართლიან გადაწყვეტილებას მიიღებენ. ისინი არიან მედია ცენზორები და ეს ზეწოლა მედიაზე გაიზრდება, თუ შემოდგომაზე არ გვექნება დიდი სახალხო პროტესტი“, – განაცხადა პაატა მანჯგალაძემ.
ავტორი
ნინი ხიჯაკაძე
