პარლამენტის ფრაქცია ,,ქართული ოცნების“ თავმჯდომარის მოადგილე რატი იონათამიშვილი კომენტარს აკეთებს ,,ერთიანი ნაციონალური მოძრაობის“ თავმჯდომარის ნიკა მელიას მიერ საგანგებო ბრიფინგზე გაკეთებული განცხადების შესახებ, სადაც საუბარია პოლიციის თანამშრომლობის სამსახურიდან მასობრივ წასვლასა და ქვეყნიდან გადინებაზე:
,,უსამშობლო ოპოზიციამ სამიზნედ, დეზინფორმაციის გზით, აირჩია ის ინსტიტუტები, რაზეც ჩვენი ქვეყნის უსაფრთხოება და მართლწესრიგი დგას – იქნება ეს თავდაცვის თუ შინაგან საქმეთა სამინისტრო.
სულ ცოტა ხნის წინ ჩვენ ვნახეთ ძალიან გაუგონარი და კომიკური დეზინფორმაცია, როდესაც ახალი შექმნილი სამუშაო ადგილები უნდოდათ გაესაღებინათ, რომ თითქოს კადრების მასობრივი გადინება მიდის. რაც იყო ძალიან მოკლევადიანი ტყუილი“, – განაცხადა რატი იონათამიშვილმა.
ინფორმაციისთვის შეგახსენებთ, რომ შინაგან საქმეთა სამინისტროს საპატრულო პოლიციის დეპარტამენტმა თბილისსა და რეგიონებში 145 სხვადასხვა ვაკანსიის დასაკავებლად კონკურსი გამოაცხადა.
ავტორი
ნინი ხიჯაკაძე
