,,ერთიანი ნაციონალური მოძრაობის“ პოლიტიკური საბჭოს წევრი, პარლამენტის დეპუტატი რომან გოცირიძე პოლიტიკური შეფასებას აკეთებს საერთაშორისო პარტნიორების როლზე საქართველოს მხარდაჭერის საქმეში და იმ რისკზე, თუ რა შეიძლება მომხდარიყო, როგორც ოპოზიციონერი ლიდერი აცხადებს, რომ არა ჩვენი მოქალაქეებისა და ოპოზიციის სიფხიზლე:
,,დღეს არ გავა, რომ ჩვენ საერთაშორისო პარტნიორებს არ მოუწიოთ ჩვენი ხალხის დაცვა საკუთარი მთავრობისაგან.
რომ არა დღეს საერთაშორისო დახმარება და მხარდაჭერა, ასევე ჩვენი მოქალაქეებისა და ოპოზიციის სიფხიზლე, დღეს ჩვენ ვიქნებოდით რუსეთში, პირდაპირ რუსეთის გუბერნია იქნებოდა საქართველო.
ყველა ნაბიჯი, რაც კი ამ ბოლო დღეებში და უფრო ადრე გადადგა ,,ქართულმა ოცნებამ“, ის ანტიდასავლური კამპანია და კიდევ ბევრი სხვა რამ, ერთ რამეზე მიუთითებს, რომ ასე ქვეყანა დიდხანს ვერ გაძლებს – ჩამოიშლება ყველაფერი. მაინც ღატაკები ვართ და კიდევ უფრო გავღატაკდებით.
ერთადერთი გამოსავალი არის დროზე ამ ხელისუფლების გაგდება“, – განაცხადა რომან გოცირიძემ.
ავტორი
ნინი ხიჯაკაძე
