“ვთვლით, რომ რეგულირების სააგენტო განზრახ აჭიანურებს პროცესს” – მარიამ ჯიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი აცხადებს, რომ რეგულირების სააგენტო აფერხებს მიმდინარე პროცესს, რომ ამით დროში გაიწელოს უცხოელი ექსპერტების ჩამოყვანა საქართველოს მე-3 პრეზიდენტის, მიხეილ სააკაშვილის ექსპერტიზის დასკვნის დასასრულებლად:

,,ვთვლით, რომ რეგულირების სააგენტო განზრახ აჭიანურებს პროცესს, ვინაიდან მათ ერთი ხარვეზის შესახებ უკვე დაადგინეს და იმავე წერილით შეეძლოთ ეცნობებინათ თუ კი დამატებით რაიმე სახის დოკუმენტაცია ესაჭიროებოდათ.

ითხოვენ კომუნისტური, საბჭოთა კავშირის მეთოდით ცნობის წარმოდგენას სამუშაო ადგილიდან. ე.ი. უნდა მივიდნენ და 5 წლის განმავლობაში, თუკი სადმე მუშაობდნენ, უნდა წავიდნენ და აიღონ ცნობები, მერე ეს ცნობები უნდა ითარგმნოს და ა.შ.

კანონში ასეთი რამე არ წერია. ეს ყველაფერი ემსახურება იმას, რომ გახანგრძლივდეს ექსპერტების ჩამოყვანის პროცესი“, – განაცხადა მარიამ ჯიშკარიანმა.

ავტორი
ნინი ხიჯაკაძე