,,ერთიანი ნაციონალური მოძრაობის“ გენერალური მდივანი პეტრე ცისკარიშვილი საგანგებო ბრიფინგზე განცხადებას აკეთებს საწვავის მაღალ ფასებთან დაკავშირებით, იმ ფონზე, როდესაც ქვეყანაში ლარის კურსი გამყარებულია:
,,ლარის კურსი გამყარდა და 1 დოლარი ჩამოვიდა 2.70 ლარამდე, თუმცა საწვავის ფასი მაინც არ იაფდება. რა არის ამის მიზეზი? ერთ-ერთი მთავარი მიზეზი დაიწყო ჯერ კიდევ 2016-2017 წლებში, როდესაც ,,ოცნების“ ხელისუფლებამ გააორმაგა ბენზინზე აქციზის გადასახადი, რომელიც იყო 1 ტონა ბენზინზე 250 ლარი, გახადა 500 ლარი, ხოლო დიზელის საწვავზე 150 ლარიდან 400 ლარამდე.
2012 წელს, როდესაც მათ ხელისუფლება გადაიბარეს ბენზინზე აქციზის გადასახი იყო 2-ჯერ იაფი, ხოლო დიზელზე 2.5-ჯერ.
დღეს, მაგალითად, დიზელის ფასი, როდესაც ფიქსირდება 4.30 ლარი დაახლოებით – აქ ჩადებული არის 50%-მდე მარჟა. სინამდვილეში ის უნდა იყოს, ნორმალურად რომ მუშაობდეს და კარტერული შეთანხმება არ ჰქონდეთ კოორდინირებულად ხელისუფლებასთან ერთად ამ ბიზნესებს და კონკრეტულ კომპანიებს, ამ შემთხვევაში დიზელის საწვავი უნდა იყოს დაახლოებით 70-75 თეთრით იაფი ანუ 3.50-3.55 ლარის ფარგლებში. აი, ამხელა ზემოგებაზე მუშაობენ და აქედან თანხები, ყოველ ლიტრზე 15, 20, 25 თეთრი, კომპანიისა და შეთანხმების შესაბამისად, გააჩნია კლანს, ცხადია უჩა მამაცაშვილის დაჯგუფება და კლანია ყველაზე აქტიური ამ საქმეში, გადასახდელია ე.წ. “ოცნების ყულაბაში”. აქედან გამომდინარეობს სწორედ, თუ რატომ არის საწვავი ასეთი ძვირი“, – განაცხადა პეტრე ცისკარიშვილმა.
ავტორი
ნინი ხიჯაკაძე
