საქართველოს ხელისუფლების პოლიტიკას რუსეთთან მიმართებაში თავისებურ შეფასებას აძლევს ჟურნალისტი ვახო სანაია და ამისთვის მიხეილ ჯავახიშვილის რომანის “ჯაყოს ხიზნების” ლიტერატურულ პერსონაჟებს იყენებს მეტაფორად:
“რუსეთის მოქალაქეებს ფეხები ულოკეთ, ზედმეტი სიტყვა არ უთხრათ, თავი დაუხარეთ, რასაც იტყვიან, შეუსრულეთ, თორემ პუტინი დაგვსჯის. ნუ იტყვით ,,პუტინ, ხუილოს”, ნუ იტყვით, რომ რუსეთი ოკუპანტია, თორემ ომი იქნება. – აი, ამას ეუბნება დღეს ხელისუფლება საკუთარ მოქალაქეებს.
სად არის ის მიჯნა, რა უნდა გვაკადრონ, რის შემდეგაც ხელისუფლების წარმომადგენლები იტყვიან, რომ ამის მოთმენა არ შეიძლება?!
ტყუილად ელოდებით. არ არსებობს ეგ მიჯნა. არანაირი მიჯნა თეიმურაზ ხევისთავისთვის არ არსებობდა. ხალხს ეუბნებიან, რომ თეიმურაზ ხევისთავივით მოიქცნენ. თუ არ უნდა ხალხს თეიმურაზ ხევისთავობა, მაშინ ომი გინდაო, აბრალებენ – ქსენოფობი ხარო.
უცნაური, პარადოქსული, ანომალიური მოცემულობა გვაქვს. “ქართული ოცნება” ერთდროულად თეიმურაზ ხევისთავიცაა და ჯაყოც. პუტინთან – თეიმურაზ ხევისთავი საკუთარ ხალხთან – ჯაყო“, – წერს ვახო სანაია ფეისბუქის პირად გვერდზე.
