პარლამენტის ფრაქცია ,,ქართული ოცნების“ თავმჯდომარე, მამუკა მდინარაძე კომენტარს აკეთებს პარლამენტის 48 ოპოზიციონერი დეპუტატის მიერ გავრცელებულ ერთობლივ განცხადებაზე, მმართველი გუნდის რიტორიკასთან დაკავშირებით, დასავლეთთან მიმართებაში:
,,ეს არის 48 დეპუტატის დამოკიდებულების ლუსტრაცია სახელმწიფოებრიობასთან. ანუ ჩვენ დღეს გავიგეთ, რომ თურმე ამ ქვეყნის პარლამენტის 48 დეპუტატს მიაჩნია, რომ ქართული სახელმწიფო სახელმწიფო არ არის.
მათ ასევე მიაჩნიათ, რომ თურმე კითხვის დასმა და თხოვნა ამ კითხვაზე პასუხის გაცემის, განსაკუთრებით მკაფიო პასუხის გაცემის ნიშნავს თავდასხმას. ე.ი. მათ სახელმწიფოდ ეს ქვეყანა არ მიაჩნიათ. ეს არის ძალიან ცუდი“, – განაცხადა მამუკა მდინარაძემ.
ინფორმაციისათვის: ოპოზიციონერი დეპუტატების მიერ გავრცელებულ განცხადებაში ხაზგასმითაა აღნიშნული, რომ “ვემიჯნებით და ვგმობთ „ქართული ოცნების“ ხელისუფლების ცილისმწამებლურ და დეზინფორმაციულ კამპანიას დასავლური ინტეგრაციის გზაზე საქართველოს უმთავრესი სტრატეგიული პარტნიორების – ამერიკის შეერთებული შტატებისა და ევროკავშირის წინააღმდეგ“.
ავტორი
ნინი ხიჯაკაძე
