პარლამენტის თავმჯდომარე, არჩილ თალაკვაძე მადლიერებას გამოხატავს იმ მეხანძრე-მაშველების მისამართით, ვინც თავდაუზოგადად შეებრძოლა ხანძარს და ტყის მასივები განადგურებას გადაარჩინა:
“ამ რთულ დღეებში, როცა უნიკალური ტყის მასივების გადარჩენას ყველა ვგულშემატკივრობდით, ჩვენმა მეხანძრე-მაშველებმა მასშტაბური სტიქია მოიგერიეს და ხანძრები ჩააქრეს შიდა ქართლსა და კახეთში. 400-მა მეხანძრე-მაშველმა, პილოტებმა და საგანგებო სიტუაციების მართვის სამსახურის მენეჯმენტმა, ავიაციის და სპეციალური ტექნიკის გამოყენებით სტიქიის ლიკვიდაცია შეძლო სამ რთულ ლოკაციაზე და ტყეები განადგურებას გადაარჩინა.
საქართველოს პარლამენტის სახელით, მადლობას ვუხდი ჩვენს გმირებს, პროფესიონალიზმის და თავგანწირვისთვის. ჩვენ ვამაყობთ თქვენით,” – განაცხადა არჩილ თალაკვაძემ
კომენტარები - დატოვეთ თქვენი მოსაზრება
