იურისტი, საჯარო მმართველობის დოქტორი თამთა მეგრელიშვილი ადვოკატების მიერ, ყოფილ პრეზიდენტთან შეხვედრიდან, გამოტანილ ინფორმაციას ეხმაურება მიხეილ სააკაშვილის გადაწყვეტილებასთან დაკავშირებით პოლიტიკიდან დისტანცირების თაობაზე:
“თუ მიმდინარე პოლიტიკურ პროცესებს კარგად დავაკვირდებით ნათლად დავინახავთ, რომ უკრაინელი მიშა დიდად განსხვავდება სატუსაღოში მყოფი მიშასაგან.
მიხვდა სადაა, რატომაა და რა ხდება.
ამასთან უკვე აშკარაა მისი გადაწყვეტილება განერიდოს ქართულ პოლიტიკას.
რატომ?! იმიტომ რომ ის თავადაც იაზრებს, რომ დღეს ნამდვილად აღარ არის პოლიტიკური ლიდერი და ამ მოსაზრებას მისი შვილი ედუარდ სააკაშვილი და სხვა პოლიტიკოსები და საქმით მასთან დაკავშირებული პირებიც აღიარებენ და ეთანხმებიან.
“მიშა ქართული პოლიტიკით არ ინტერესდება არაფერს უყურებს“- აცხადებს მისი ადვოკატი,
მიხეილ სააკაშვილის დავალებით ის ასევე ეხება ირაკლი კობახიძის მამასთან დაკავშირებულ თემას და მიხეილ სააკაშვილის დამოკიდებულებას ამ საკითხთან მიმართებითაც პირდაპირ აჟღერებს -“ძაან შეწუხებული იყო მარტო ამ ამბით და იძახდა ეს წარმოუდგენელია, ჩვენ ერთად ვიყავით პარლამენტში და ის უწესიერესი ადამიანიაო“…
საზოგადოების დიდმა ნაწილმა იცის, რომ გიორგი კობახიძე ნამდვილად წესიერი კაცია და კარგი პოლიტიკოსიც იყო და ამას მიხეილ სააკაშვილის დამოწმება ნამდვილად არ სჭირდება და მაინც,
მაშინ რას ემსახურება მიხეილ სააკაშვილის “ფერიცვალება”?!
მხოლოდ პოლიტიკურ მიზანს, მოიგოს ირაკლი კობახიძის გული რაც მარტივად ნიშნავს იმას, რომ ის დანებდა, პოლიტიკურ თამაშში ირაკლი კობახიძეს დანებდა!” – წერს ფეისბუქის პირად გვერდზე თამთა მეგრელიშვილი.
