“ძალაუფლება კონცენტირირებულია კლანის ხელში, რომელიც იუსტიციის საბჭოთი ახშობს თავისუფლების ჟანგბადს” – პაატა მანჯგალაძე

ამერიკის სახელმწიფო დეპარტამენტმა მორიგი ანგარიში წარადგინა საქართველოსთან მიმართებაში, სადაც ერთ-ერთ მთავარი საკითხად განხილულია სასამართლო რეფორმა და იგი კრიტიკულადაა შეფასებული. აღნიშნულ ფაქტზე კომენტარი გააკეთა საქართველოს პარლამენტის წევრმა, პარტია ,,სტრატეგია აღმაშენებლის“ გენერალურმა მდივანმა პაატა მანჯგალაძემ:

,,ძალაუფლება კონცენტირირებულია კლანის ხელში და კლანი იუსტიციის საბჭოთი ახშობს იმ თავისუფლების ჟანგბადს, რომელიც გადაწყვეტილების მიღების დროს სჭირდებათ მოსამართლეებს, ვინც ასეა განწყობილი.

ასევე, პრობლემა არის საკორპორაციო, კერძო დავებთან დაკავშირებით კვალიფიციკაციისა და კეთილსინდისიერების საკითხი. ეს ერთობლიობაში ინვესტიციისთვის არ ქმნის ხელსაყრელ გარემოს“, – განაცხადა პაატა მანჯგალაძემ.

ავტორი
ნინი ხიჯაკაძე