საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე, ტელეკომპანია “ფორმულასთან” კომენტარში, მწვავედ აკრიტიკებს ,,ქართული ოცნებიდან” წასული დეპუტატების ინიციატივას ახალი საზოგადოებრივი მოძრაობის დაფუძნებასთან დაკავშირებით:
,,ხელისუფლება ცდილობს ანტიდასავლური რიტორიკა აქციოს სახელმწიფო იდეოლოგიად, პოლიტიკის ნაწილად.
მიხვდნენ, რომ დასავლური განწყობები საქართველოში არის ძალიან ძლიერი, 85-90% უჭერს მხარს საქართველოს ევროპაში ინტეგრაციას.
ახლა ჩათვალეს, რომ აუცილებელია იდეოლოგიური დამუშავება. ამას ვერ ართმევდა თავს ,,პატრიოტთა ალიანსი”, ,,ალტ-ინფო” და მსგავსები ჭინკები და აუცილებელი გახდა ხელისუფლებისგან, ასე ვთქვათ, პირდაპირ წახალისებული ჯგუფების შექმნა, რომ ქვეყანაში მთავარ პოლიტიკად იქცეს ანტიდასავლური რიტორიკა.
რატომ? – იმიტომ, რომ რეალურ პრობლემებზე და რუსეთზე კი არ ვილაპარაკოთ, რომელიც მართლა მტერია და 35 კილომენტრში დგას, არამედ ჰიპოთეტურ, ვირტუალურ მტერზე, თითქოს დასავლეთს უნდა საქართველოს აოხრება”, – განაცხადა პაატა მანჯგალაძე.
ავტორი
ნინი ხიჯაკაძე
