პარლამენტის ყოფილი დეპუტატი, ხათუნა ხოფერია ყოფილი პრემიერის, პარტია “საქართველოსთვის” თავმჯდომარის გიორგი გახარიას მიერ გამოთქმულ კონკრეტულ მოსაზრებას ეხმაურება და ამასთან დაკავშირებით ერთგვარ მიგნებებზე საუბრობს:
“რა თქვა გახარიამ?!
ანუ, თქვა ის, რაც არ თქვა გახსნილი ტექსტით ივანიშვილმა.
კერძოდ: – “საიდან სადამდე… ქვეყნის მომავლის ვაჭრობამდეც მივედით, ასე იმსხვრევა მითები – გ. გახარია“
ვაჭრობა, როგორც ასეთი, ყიდვა-გაყიდვას ნიშნავს.
გამოდის, რომ ამერიკის ელჩი ივანიშვილთან სახელმწიფოს ყიდვის და გაყიდვის წინადადებით მივიდა.
გამომდინარე იქედან, რომ ჩვენ ქვეყანაში არაფერი შეცვლილა, არც სამშვიდობო პოლიტიკა, არც პოლიტიკური ორიენტირები, არც პოლიტიკური მმართველობის ფორმა და არც მმართველი ძალა,
ბ ი ძ ი ნ ა ი ვ ა ნ ი შ ვ ი ლ მ ა ს ა მ შ ო ბ ლ ო არ გ ა ყ ი დ ა!
ჰოდა, მართალია გახარია, დაიმსხვრა მითი იმის შესახებ, რომ ფულზე ყველაფერი იყიდება.
ეს, შესაძლოა, წარმოუდგენელი იყოს დეგნანისთვის, სულგაყიდული ოპოზიციისთვის, გახარიასთვის, ხაზარაძისთვის… მაგრამ ეს ასეა და ბასტა!
დიახ, სამშობლო ფულზე არ იყიდება ნაღდი ქართველისთვის და ღირსეული კაცისთვის!
შენ გაგიმარჯოს, ბიძინა!” – წერს ფეისბუქის პირად გვერდზე ხათუნა ხოფერია.
