“ოპოზიციის ნაწილი ირჩევს რადიკალიზაციის გზას” – ანრი ოხანაშვილი

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი პოლიტიკურ შეფასებას აკეთებს და ოპოზიციურ პარტიებს ევროკომისიის 12 რეკომენდაციის შესრულების  მიზნით ალტერნატიული სამუშაო ჯგუფის შექმნის გამო აკრიტიკებს:

,,რა მიუღებლობაც არ უნდა გვქონდეს, პოლიტიკური გემოვნების თვალსაზრისით, ჩვენ გვაქვს ვალდებულება, დავსხდეთ და ერთობლივად ვიმუშაოთ.

ამის ნაცვლად ოპოზიციის ნაწილი – ,,ნაციონალური მოძრაობა“ და მათი სატელიტებით, იქნება ეს ,,ლელო“ თუ ,,სტრატეგია აღმაშენებელი“, ირჩევენ რადიკალიზაციის გზას.

ისინი უარს ამბობენ ჩვენი მოქალაქეების მიერ გაცხადებულ პერსპექტივაზე ევროპისკენ. პრაქტიკულად, საბოტაჟს უცხადებენ ჩვენი მოქალაქეების სწრაფვას ევროპისკენ. ვინაიდან ისინი არ შემოდიან იმ პროცესში, სადაც ჩვენ ავიღეთ ყველამ ვალდებულება, რომ ერთად უნდა ვიმუშაოთ’’, – განაცხადა ანრი ოხანაშვილმა.

ავტორი
ნინი ხიჯაკაძე