“უკრაინა ძალიან აქტიურად მუშაობს მიხეილ სააკაშვილის განთავისუფლებასთან დაკავშირებით” – კობა ნაყოფია

,,ერთიანი ნაციონალური მოძრაობის“ პოლიტიკური საბჭოს თავმჯდომარე კობა ნაყოფია კომენტარს აკეთებს საქართველოს მე-3 პრეზიდენტთან მიმართებაში და აღნიშნავს, რომ მიხეილ სააკაშვილს მნიშვნელოვანი როლის შესრულება შეუძლია უკრაინისთვის, მიმდინარე ომის პირობებში:

,,უკრაინა ძალიან აქტიურად მუშაობს მიხეილ სააკაშვილის განთავისუფლებასთან დაკავშირებით.

ყველა შეხვედრაზე, სადაც კი არ ვიყავი და ვისაც არ შევხვდი, ყველგან ერთი და იგივე მოვისმინე, რომ მიხეილ სააკაშვილი განსაკუთრებით ახლა, როდესაც უკრაინაში მიმდინარეობს ომი, როცა მას აქვს დიდი გამოცდილება, კავშირები, ძალიან სასარგებლო იქნებოდა ამ პროცესში მისი ჩართვა.

მათთვის გაუგებარია, თუ რატომ აყოვნებს საქართველოს ხელისუფლება მიხეილ სააკაშვილის გადაყვანას და გადაცემას უკრაინისთვის?!

რა თქმა უნდა, ეგ კითხვა ყველგან არსებობს, ყველა შეხვედრაზე.

მიმდინარეობს მოლაპარაკებები ძირითადად ჩვენს დასავლელ პარტნიორებთან“, – განაცხადა კობა ნაყოფიამ.

ავტორი
ნინი ხიჯაკაძე