,,ევროპული საქართველოს“ თავმჯდომარე გიგა ბოკერია მწვავე კრიტიკულ კომენტარს აკეთებს ,,ქართული ოცნების“ პოლიტიკურ გადაწყვეტილებზე. ოპოზიციონერი ლიდერის განცხადებით, მმართველი პარტიის მიმდინარე კამპანია ზიანს აყენებს ქვეყნის ეროვნულ ინტერესებსა და საფრთხეს უქმნის საქართველოს მომავალს:
,,ივანიშვილის და მისი გარემოცვისგან წლებია მიდის დასავლეთის დემონიზების კამპანია, უბრალოდ ის მძიმდებოდა დროის განმავლობაში და გარემოებები გახდა კიდევ უფრო დრამატული, განსაკუთრებით პუტინის ბოროტების იმპერიის უკრაინაში ამ აგრესიის შემდეგ.
ახლა არის ისტორიული მომენტი, როცა ყველას აქვს შანსი და საქართველოს პირველ რიგში, რომ ამ ,,ბოროტების იმპერიის“ ჭაობიდან თავი დავაღწიოთ.
ამ დროს ჩვენ გვყავს რეჟიმი, რომელმაც ეს კამპანია მიიყავანა უკიდურეს წერტილამდე, როცა დასავლეთს პირდაპირ აბრალებს საქართველოს მტრობას.
ეს არის ლოგიკური გაგრძელება ამ ხაზისა, რომელიც პირდაპირ უტყამს ჩვენს ეროვნულ ინტერესებს და ჩვენს მომავალს ანადგურებს ამ ნაბიჯებით“, – განაცხადა გიგა ბოკერიამ.
ავტორი
ნინი ხიჯაკაძე
