სოციალურ ქსელში, ფეისბუქის საკუთარ გვერდზე, იოსებ (სოსო) გოგაშვილის ერთგვარი აღიარებითი გზავნილი გავრცელდა, რომელიც ამჟამად ბრალდებულმა, სუს-ის უფროსის ყოფილმა მოადგილემ, საპატიმრო დაწესებულებიდან გამოაგზავნა:
“მოგესალმებით,
დანიშვნის შემდეგ, როდესაც გახშირდა უკანონო დავალებები, მივხვდი, თუ რა სისტემაში აღმოვჩნდი, ამიტომ დავდექი არჩევანის წინაშე.
ბიძინა ივანიშვილი მოითხოვდა, შემესრულებინა ყველანაირი დავალება და ამას თეთრი ხელთათმანებით ვერ გავაკეთებდი.
მქონდა სამი არჩევანი:
1. სამსახურიდან წამოსვლა;
2. ყველაფერზე ხელის მოწერა და ჩაყოლა;
3. დარჩენა, ყველა მტკიცებულების მოგროვება და სისტემის მხილება, რომელიც, ხვდებით რომ ავირჩიე და ამიტომ ვზივარ აქ.
ვინც მე მაკრიტიკებთ, თუ სად ვიყავი აქამდე, გაიარეთ იმ გზის ნახევარი, იმ გარემოცვაში, რაც მე მოვახერხე და ისე დამამუნათეთ.
ახლა დროის კარგვის ნაცვლად, ჯობია ეს ბინძური სისტემა დავამთავროთ და ჩემს დასჯას ყოველთვის მოახერხებთ, არ ვაპირებ ამ ქვეყნიდან არსად წასვლას“, – აცხადებს სოსო გოგაშვილი.
