“ახლა იწერება მორიგი “ბიბლიური” ისტორია, ცნობილი სიუჟეტით, სადაც: მოსე – კობახიძეა, აარონი (მოსეს ძმა) – ხუნდაძე, ეგვიპტე – დასავლეთი, ფარაონი – აშშ-ს პრეზიდენტი” – გია ხუხაშვილი “ქართულ ოცნებაზე”

პოლიტოლოგ გია ხუხაშვილის თავისებური ასოციაციები – “ქართულ ოცნებაზე” მორგებული “ბიბლიური” ისტორია:

“არაერთხელ მითქვამს, რომ “ქართული ოცნება”, არა პოლიტიკური, არამედ მონოთეისტური რელიგიური ორგანიზაციის ალგორითმით არის კონსტრუირებული.

“ღმერთი” არსად არ ჩანს, მაგრამ ყველგან არის, შეუცნობელ არს გზანი მისნი, თუ პრობლემა გაქვს, ლოცვები გააძლიერე, ითხოვე და მოგეცემა და ა.შ.

პარალელურად იწერება “ბიბლიური” ისტორიები, მის სასწაულმოქმედებაზე.

ახლა იწერება მორიგი “ბიბლიური” ისტორია, ცნობილი სიუჟეტით, სადაც:

მოსე – კობახიძეა, აარონი (მოსეს ძმა) – ხუნდაძე, ეგვიპტე – დასავლეთი, ფარაონი – აშშ-ს პრეზიდენტი.

შემდეგ სერიაში “ღმერთი” მოუვლენს დასავლეთს “ათ სასჯელს”, შემდეგ საზღვარზე მავთულხლართები სასწაულებრივად გაიხსნება და კობახიძე გაიყვანს ხალხს აღთქმულ მიწაზე… რუსეთში…“, – წერს ფეისბუქის პირად გვერდზე გია ხუხაშვილი.