მმართველი პარტიის დატოვების შემდეგ, საქართველოს პარლამენტის წევრი მიხეილ ყაველაშვილი ახლა უკვე კომენტარს აკეთებს პარტია ,,ქართული ოცნების” დამფუძნებლთან, ბიძინა ივანიშვილთან მიმართებაში და აცხადებს, რომ მან კონკრეტულ შეკითხვებს პასუხები უნდა გაეცეს, რადგანაც ევროკომისიის რეზოლუციასა თუ ევროპარლამენტარების შეფასებებში მისი სახელი ფიგურირებს:
,,არ არის ეს პრობლემა, რომ დაუსვათ ბიძინა ივანიშვილსაც კითხვები, რომ რა ხდება ამ პროცესში? ეს ადამიანი ფიგურირებს ყველგან.
ევროპარლამენტარის რეოლუციაში პირდაპირ სახელით და გვარით წერენ. რიგი ევროპარლამენტარი დეპუტატები პირდაპირ მოუწოდებენ, რომ შენ ხარ ადამიანი, რომელიც უშლი ხელს ევროკავშირში შესვლას! შენ უნდა დატოვო ქვეყანა!
კელი დეგნანის ეს პოზიცია, რომელიც პასუხს არ სცემს კითხვებს. აი, რიგი ამ არასამთავრობო ორგანიზაციების დამოკიდებულება, იკრება წრედი და ხომ არ იყო კომუნიკაცია მანამდე, ომის დაწყების შემდეგ ამ ადამიანთან, რომ ასეთ შანტაჟს მიმართავენ ამ ადამიანის მიმართ?
დროა, რომ ალბათ კითხვები მასაც დაუსვათ, რადგან ის საქართველოს მოქალაქეა, რადგან ასეთი ზეწოლა მიმდინარეობს ხელისუფლებაზე, ქვეყანაზე.
ეს კითხვები იბადება. რაღაც ძალას სურს, ფაქტია, რომ ეს 6 თვეც გადაიდო. იმიტომ, რომ ამ ძალამ ვერ შეძლო ეს რევოლუციური სცენარის განვითარება. აქედან გამომდინარე, ახლა იბადება კითხვა.
მე მაქვს კითხვა, მაგალითად, ხომ არ ყოფილა შეხვედრა კელი დეგნანსა და ბიძინა ივანიშვილს შორის უკრაინის ომის დაწყების შემდეგ? ხომ არ მოსთხოვეს მას რამე და ამის კვალობაზე ხომ არ ხდება რაღაცა შანტაჟი?
იმიტომ, რომ ეს ადამიანი გასულია პოლიტიკიდან, არაფერში არ ერევა. იყო ამაზე საუბარი კაბინეტებში, რაღაც შეხვედრები არსებობდა.
ამ ეტაპზე ამაზე არ ვისაუბრებ, არ მაქვს უფლება. თუმცა, თუ კითხვებზე პასუხები არ გაეცემა მივმართავ ბიძინა ივანიშვილსაც – იმიტომ, რომ კითხვები სახელმწიფოს და საქართველოს ეხება.
ვალდებულია, რადგან ეს პროცესი დაგროვდა და ადამიანი, რომელსაც პირდაპირ ხელისშემშლელად აღიქვავენ ქვეყნის განვითარებაში. ეს ახლა რას ნიშნავს?!”, – განაცხადა მალხაზ ყაველაშვილმა
