ამერიკის შეერთებული შტატების საელჩოში მომხდარ ინციდენტთან დაკავშირებით ტვ ,,პირველის” დამფუძნებელი ვატო წერეთელი პროკურატურაში გამოკითხვაზე დაიბარეს. მედია-მენეჯერმა გამოკითხვაზე მისვლამდე კომენტარი გააკეთა ჟურნალისტებთან:
,,ამერიკის საელჩოს კიდევ ერთხელ მივმართავ: ნუ გახდებით თანამონაწილე – აუცილებლად, დაუყოვნებლივ პროკურატურას მიაწოდეთ მასალები, რომ გასაჯაროვდეს თავდასხმის კადრები.
აუცილებლად მივცემ დღეს ჩვენებას. პროკურატურას მოუწევს, რომ ყველა დამნაშავე მისცეს პასუხისგებაში”, – განაცხადა ვატო წერეთელმა.
ინფორმაციისთვის: ამერიკის შეერთებული შტატების საელჩოში ტელეკომპანია ,,პირველის” დამფუძნებელს ვატო წერეთელსა და ,,ქართული ოცნების” დეპუტატებს – ანრი ოხანაშვილს, ლევან მგალობლიშვილსა და ირაკლი ზარქუას შორის ფიზიკური დაპირისპირება მოხდა.
ავტორი
ნინი ხიჯაკაძე